Dasmë madhështore për prezantuesen kosovare Albina Zeneli, emra të njohur të jetës publike i bashkohen festës së saj

Gazetarja dhe prezantuesja e njohur kosovare, Albina Zeneli, ka kurorëzuar dashurinë e saj në martesë, duke i dhënë fund beqarisë në një ceremoni elegante dhe të organizuar me përkujdesje të veçantë, e cila u shndërrua në një mbrëmje plot emocione, gëzim dhe momente të paharrueshme.

Në këtë ditë të rëndësishme për çiftin, të pranishëm ishin familjarë, miq të afërt, kolegë dhe personalitete të njohura nga jeta publike, media dhe arti, të cilët me pjesëmarrjen e tyre i shtuan hijeshi dhe atmosferë festive ceremonisë. Mbrëmja u karakterizua edhe nga performanca muzikore që e bënë festën edhe më të veçantë.

Pamjet nga ceremonia kanë filluar të qarkullojnë gjerësisht në rrjetet sociale, ku janë shoqëruar me urime të shumta dhe komente pozitive për çiftin e sapomartuar.

Të ftuarit kanë ndarë me ndjekësit momente nga atmosfera festive, duke vënë në pah organizimin e kuruar në çdo detaj, elegancën e ceremonisë dhe emocionet që shoqëruan një nga ngjarjet më të bukura të kësaj vere në estradën dhe median kosovare./rajonipress/