Dardania e Lozanës “me një këmbë” një ligë më lartë

Pas fitores 4:1, skuadra jonë duhet që edhe në ndeshjen e kthimit, më 15 qershor në Payerne, ta ruajë më së paku këtë rezultat

FC Dardania nga Lozana përfundoi kampionatin futbollistik si nënkampion i grupit në ligën e dytë kantonale. Me këtë ajo fitoi të drejtën që të luajë në ndeshje barazhi që të ngrihet një ligë më lartë, në ligën e dytë interkantonale, në të njejtin rang ku ishte para pesë viteve, apo në të njëjtin rang ku tani garon FC Kosova nga Cyrihu.

Pas përfundimit të kampionatit të rregullt,fati e deshti që klubi shqiptar në ndeshje barazhi të takohet me FC Stade Payerne. Fituesi nga dy takimet e drejtpërdrejta fiton vizën për një rang më lartë.

FC Dardania Lausanne – FC Stade Payerne 4 – 1

Në kuadër të ndeshjes së parë të barazhit,skuadra jonë shënoi fitore të thellë dhe të merituar 4 me 1. Ndeshja u luajt në një atmosferë sportive shqiptare nën tingujt e daulles shiptare në praninë e afër 1000 shikuesve. Stadiumi ishte i rrethuar dhe mbushur me flamuj të Kosovës dhe të Shqipërisë.

Fillimi i takimit u takoi mysafirëve të cilët pas dhjetë minutave shënuan për të avancuar në rezultat. Pas këtij goli, futbollistët shqiptarë u këndellën aq shumë sa që deri në fund të pjesës së parë shënuan dy herë, për të shkuar në pushim me nje gol epërsi.

Me të filluar pjesa e dytë filloi të binte një shi i rrëmbyeshëm por lqë nuk i pengoi lojtarët tanë që edhe gjatë pjesës së dytë të shënojnë edhe dy gola, duke mos pësuar asnjë. Dhe në fund shënuan fitore të merituar 4 me 1. Është kjo nje fitore e madhe dhe një hap që shpie në një ligë më lartë. Por, që të arrihet kjo, skuadra jonë duhet që edhe në ndeshjen e kthimit e cila luhet të shtunën më 15 qershor në ora 17 në Payerne, ta ruajë më së paku këtë rezultat

Turne i madh Ndërkombëtar M20

Nga 12 deri 15 qershor në qendren sportive BOUT DU LAC në BOUVERET NË VALAIS (VS) mbahet turneu i madh ndërkombëtar i fitbollit M20.

Marrin pjesë skuadrat M20 nga këto shtete: Kosova, Brazili, Egjipti dhe Gana Ndeshjet luhen: Emërkurë, ora 17h00: Brazili-Egjipti: 19h30 Gana-Kosova, 15h30–gjysmë finale; 18h00–Finalja

Biletat mund të gjenden në wb faqen www.valaisyouthcup.com
Vendet janë të limituara
Ticket hotline 0900.101.102 /albinfo/