Daku: GLV “Rural +” mbështet fshatin Livoq të Poshtëm

Gjilan – Omer Daku, kryetar i Grupit Lokal të Veprimit “Rural+” ka nënshkruar edhe një kontratë për një projekt të ri, të radhës në bashkëpunim me Ministrinë e Bujqësisë, Pylltarisë dhe Zhvillimit Rural (MBPZHR). Sipas Dakut, projekti përkatës ka të bëjë me ndërtimin e një rruge në këtë fshat me një gjatësi prej 450 m’. Punimet e kësaj rruge do të fillojnë sapo të përfundojnë procedurat e prokurimit dhe e njëjta do të realizohet gjatë këtij viti.

Daku tha për rajonipress se GLV “Rural+” është më i suksesshmi në Kosovë dhe deri më tani ka arritur që të përfitoj 100 % në të gjitha rastet e aplikimit për projekte. Për të gjitha këto Daku falënderon edhe komunën e Gjilanit e cila e ka mbështetur në të gjitha projektet e deri tanishme.

Sipas Dakut, projekti përkatës ka të bëjë me ndërtimin e një rruge në këtë fshat me një gjatësi prej 450 m’. Punimet e kësaj rruge do të fillojnë sapo të përfundojnë procedurat e prokurimit dhe e njëjta do të realizohet gjatë këtij viti.

Sipas Dakut, shumica e projekteve kanë për qellim zhvillimin rural dhe shumica e projekteve janë realizuar në fshatra të ndryshme të komunës së Gjilanit. Për të gjitha këto, Daku thotë se janë arritur falë bashkëpunimi të të mirë që ka me MBPZHR me të cilën kanë realizuar shumë projekte si: mbështetje me mekanizëm bujqësor, rrethoja për terrene sportive, ndriçim për terrene sportive, rrethoja për shkolla, ndërtime të urës, rrugë etj.

Daku tha se GLV ”Rural+” ka bashkëpunim shumë të mirë edhe me Komisionin Evropian me të cilët realizon projekte konkrete . Si shembull përmendet realizimi i një projekti mjaft të suksesshëm të Komisionit Evropian në vlerë prej 500.000 euro ku GLV “Rural+” ishte partnere në ketë projekt dhe i cili u realizua vitin e kaluar.

Kurse këtë vit është përfituese e drejtpërdrejtë e një projekti nga EURED – komisioni evropian në vlerë prej 300.000 euro dhe që është në implementim të këtij projekti./rajonipress/