Daily Mail: Pacolli fton Januzajn në Kosovë
RajoniPress
08:06, 18 Shkurt, 2014
Pas drejtuesve të Federatës së Futbollit të Kosovës (FFK), edhe zëvendës Kryeministri i Kosovës, Behgjet Pacolli po mundohet që ta bind Adnan Januzajn të luaj për Kosovën.
Sipas tabloidit britanik, Daily Mail, Pacolli, i ka bërë ftesë yllit të Manchester Unitedit që të luajë për Kosovën në miqësoren kundër Haitit, e cila do të zhvillohet me 5 mars në Mitrovicë.
Ndërsa, më herët zëvendës Kryeministri i Kosovës ishte munduar që ta bind Januzajn që të luaj për Shqipërinë.
Januzaj ende nuk ka vendosur se për cilin vend të luaj, derisa ka oferta nga Kosova, Shqipëria, Belgjika e Anglia. Por, mundësia që të paraqitet me anglezët thuajse është shuar, pasi 19 vjeçari duhet të presë disa vite për tu natyralizuar.
