Daci: PDK-së presidenti, Bllokut kryeparlamentari dhe kryeministri

Ish kryetari i Kuvendit të Kosovës, Nexhat Daci nuk e di se kur do të marrë fund ngërçi politik në vend. Por, ai e ka një zgjidhje, e cila sipas tij bën që më 13 shtator anëtarët e PDK-së dhe Bllokut të pinë kafe së bashku. Daci thotë se duhet të arrihet një marrëveshje në mes të dy grupeve, derisa propozon që PDK-së t’i jepet posti i presidentit, derisa Bllokut LDK-AAK-NISMA kryeparlamentari dhe qeveria.

Nexhat Daci mendon se ka kaluar koha e PDK-së derisa nuk i sheh zgjedhjet si zgjidhje. Thotë se PDK nuk do të fitonte po u mbajtën zgjedhjet.

“Rreziku është vetëm një që shpenzohen diku shtatë-tetë milionë euro pa pikë nevoje, rezultati do të jetë i ngjashëm me këtë që ka qenë. PDK-ja nuk mund të forcohet sepse tanimë nuk i ka resurset shtetërore për fushatë”, tha Daci për RTV21.

Ndërkohë kryetari i LDD-së thotë se ndërkombëtarët nuk duhet të ndërhyjnë në zgjidhjen e kësaj çështjeje. /Telegrafi/