Daci: Dikush do të hyjë në Qeveri
Lideri i AAK-së Ramush Haradinaj ka zhvilluar një takim me Kryetarin e Lidhjes Demokratike të Dardanisë, Nexhat Daci, nga i cili të dy liderët kanë dalë optimistë për një bashkëpunim në të ardhmen.
Nexhat Daci kishte deklaruar edhe ma herët se është në biseda me partinë e Haradinajt, për një koalicion të mundshëm.
I pyetur nga Express lidhur me këtë çështje, Daci tha se një gjë është e sigurt – që në të ardhmen do të jenë tri parti në institucione, duke aluduar në partinë e tij, AAK’në, mirëpo duke hezituar ta përmend edhe të tretën.
“Pak a shumë veç dihet kush është e treta…”, tha Daci.
I pyetur nëse behet fjalë për PDK’në e Hashim Thaçit, ai ka thënë se këtë do ta shohim në të ardhmen.