Çmimi i Diasporës i ndahet Fondacionit “Sali e Isa Nushi”
RajoniPress
23:31, 6 Dhjetor, 2013
Fondacioni “Salih e Isa Nushi” mori çmimin e filantropit për promovimin e arsimit, kulturës dhe shkencës tek të rinjtë kosovarë, përmes bursave për student të dalluar.
Fondacioni “Sali e Isa Nushi” mori Çmimi filantropik FIDES për kontribut nga Diaspora, që u nda të premten në Prishtinë nga Forumi për Iniciativa Qytetare.
Ky fondacion ka mbështetur për disa vite zhvillimin e arsimit shqip në Kosovë, respektivisht në komunën e Mitrovicës
Fondacioni “Salih e Isa Nushi” mori çmimin e filantropit për promovimin e arsimit, kulturës dhe shkencës tek të rinjtë kosovarë, përmes bursave për student të dalluar.
Këtë çmim e ndau Kim Mehmeti, publicisti dhe shkrimtari shqiptar nga Maqedonia në një ceremoni organizuar për herë të pestë më radhë, për të nderuar kontributin filantropik të bizneseve dhe individëve në Kosovë dhe Diasporë.
Çmimi FIDES për nivel lokal iu nda Organizata Humanitare “Feniks” nga Ferizaj, organizatë kjo e cila vetëm gjatë vitit 2013, ka arritur të ndërtoj 14 shtëpi për skamnorët.
Çmimi, siç u tha në ceremoni, do të bëjë të mundur që fituesit të gëzojnë edhe një përkrahje të gjerë publike për projektet që ata kanë mbështetur me aq bujari dhe të shërbejnë si shembull i mirë për të tjerët./albinfo/
