Çmenduria

Poezi nga Sabile Keçmezi-Basha

Aty pran
Qetësi
Dhe për një fije floku
Çmenduria të rritet në gishta

Si nuk ditëm njëherë
Ne të mos jemi ne
E bari të rritet në lëkurat tona

Të ëndërronim vertikalisht
Pa hy fare në ëndërr

Ti shtrydhim të gjitha dhembjet
Për një pikë hemoglobinë

Do të qëndrojmë sonte, në ugaret kokëforta
Që të bëjmë gjumë në gjethet e shelgut
Do të ngrehmi barrikada premtimesh
Që askush mos të prej udhën
Për të harruar harresë