Cliff: Veriu, sensitiv dhe i vështirë

Ambasadori i Britanisë në Kosovë, Ian Cliff në një intervistë për Indeksonline tha se procesi zgjedhor në përgjithësi është duke shkuar mirë, por sipas tij votimi në pjesën veriore është mjaft i vështirë sepse aty votuesit po pengohen nga grupet që po qëndrojnë jashtë qendrave të votimit.

“Deri tani procesi zgjedhor duket se ka shkuar mirë me përjashtim të një ose dy gjërave të vogla të cilat nuk janë në rregull mirëpo deri tani nuk ka dëshmi për ato që quhen manipulime industriale”.

Ai thotë se procesi i zgjedhjeve në veri është mjaft i vështirë por ai inkurajon qytetarët që përkundër këtyre vështirësive të kryejnë obligimin e tyre qytetar.
“Në veri votimi është mjaft sensitiv dhe i vështirë sepse disa njerëz po qëndrojnë jashtë duke bërtitur dhe duke abuzuar me njerëzit të cilët po votojnë, gjë që nuk është e mirë, e posaqërisht ndaj njerëzve më të moshuar”, tha ambasadori.

Ambasadori anglez në Kosovë në intervisten e realizur në pjesën veriore ka porositur qytetarët që të votojnë dhe të raportojnë për secilen parregullsi që e vërejnë gjatë procesit të votimit. /Indeksonline/