Chelsea e do Igli Taren, pronari i klubit anglez ka zbarkuar në Shqipëri

Igli Tare është takuar së fundmi me pronarin e Chelseat, Todd Boehly.

Po, është lajm i bujshëm, por nuk mbaron me kaq…

Takimi është bërë në Shqipëri dhe më saktë në një nga rezidencat luksoze në Palasë.

Boehly ka pasur edhe të birin me vete, ndërkohë që nën shoqërinë e tyre kanë qenë edhe personazhe të tjerë, mes të cilëve edhe biznesmenë shqiptarë. Burime të “Panorama Sport” treguan se Boehly është takuar edhe me kryeministrin Rama, por kjo mbetet ende e pakonfirmuar.

Ndërmjetës i këtij takimi mësohet se ka qenë menaxheri Fali Ramadani së bashku me agjentin e Silvinhos, Altin Taho.