Çfarë po ndodhë me hajnat, operojnë lirshëm, plaçkitje në disa lokale afariste

Gjilan – Në dy ditët e fundit në Gjilan, Viti e Artanë hajnat kanë plaçkitur me forcë disa lokale afariste duke vjedhur arkat e tyre. Hajnat po operojnë lirshëm dhe pa fije frike, madje edhe nën kërcënimin e armëve.

Një vjedhje ka ndodhur në Gjilan, në rrugën “Idriz Seferi”. Ankuesi shqiptar, ka raportuar se derisa ishte i shtrirë në Spitalin Rajonal për trajtim mjekësor dhe pasi që kishte dal nga dhoma, nga persona të panjohur i janë vjedhur dy telefona në vlerë prej 160 €. Rasti i referohet NJHK-së.

Vjedhje e rëndë është shënuar edhe në rrugën “Avdulla Presheva”, ku ankuesi shqiptar ka deklaruar se persona të panjohur, kanë hapur me forcë derën e lokalit të tij afarist, kanë depërtuar brenda dhe kanë vjedhur një arkë me para kesh rreth 100 € dhe cigare të llojeve të ndryshme, duke i shkaktuar dëme në vlerë të përgjithshme rreth 800 €. Rasti procedohet në NJHK.

Vjedhje e rëndë është regjistruare dhe në rrugën “15 qershori” në Gjilan. Ankuesja shqiptare ka deklaruar se persona të panjohur, kanë hapur me forcë derën e lokalit të saj afarist, kanë depërtuar brenda dhe kanë vjedhur para kesh rreth 40€ dhe cigare të llojeve të ndryshme, duke i shkaktuar dëme në vlerë të përgjithshme rreth 100€. Rasti procedohet në NJHK.

Vjedhje e rëndë është evidentuar edhe në Viti në rrugën “Rexhep Bislimi”.Ankuesi shqiptar raporton se persona të panjohur kanë depërtuar me forcë në dyqanin e tij – farmaci, me ç’rast kanë vjedhur barna të ndryshme në vlere rreth 400 €. Rasti procedohet në NJHK.

Në Artanë ankuesi serb njofton se persona të panjohur me forcë kanë hy në shitoren e tij dhe kanë vjedhur 1 Motosharrë në vlerë rreth 330 €, cigare të llojeve të ndryshme në vlerë rreth 200 €, para të gatshme 100 € dhe 12.000 dinar, ndërsa ia kanë dëmtuar edhe alarmin në vlerë rreth 300 €. Rasti procedohet në NJHK.

Një vjedhje e rëndë është regjistruar poashtu në Novobërdë, në fshatin Prekovc. Ankuesi serb njofton se persona të panjohur me forcë kanë hy në shitoren e tij dhe kanë vjedhur 5 litra alkool 2 paketa me cigare të llojeve të ndryshme, 2 paketa me pashteta Argeta dhe 37 mbushje telefonike të Valës, Ipkos dhe Z-mobile. Rasti procedohet në NJHK

Vjedhje e rëndë prapë në Novobërdë, në fshatin Prekovc. Ankuesi serb njofton se persona të panjohur me forcë kanë hy në shitoren e tij dhe kanë vjedhur cigare të llojeve të ndryshme, 4 mbushje telefonike të Valës, 2 kasetofona të veturës, 4 zinxhirë të motosharrës dhe 5000 dinar. Rasti procedohet në NJHK./rajonipress/