“Çfarë lojtari tashmë është”, Bundesliga publikon pesë momentet më të mira të Fisnik Asllanit

Bundesliga ka krijuar një video me pesë momentet më të mira të Fisnik Asllanit, pra golat dhe asistimet.

Ylli i Kosovës po shkëlqen vazhdimisht te Hoffenheimi, ku falë paraqitjeve fantastike edhe ka fituar vëmendjen e top gjigantëve evropianë si Barcelona, Bayern Munich e Borussia Dortmund.

Bundesliga ka krijuar një video në rrjetin social “Tiktok” me Asllanin, duke përmendur pesë momentet më të mira të lojtarit në fanellën e Hoffenheim.

Vendin e parë e zuri supergoli ndaj Heidenheimit të Diant Ramajt, ndërsa si pozitë e dytë asistimi kundër Bayern Munichut.

Ndërkohë, Asllani do të rikthehet në fushë këtë vikend kundër Mainz 05./Telegrafi/