Çfarë biseduan Thaçi dhe Clintoni më 1999?

Ish presidenti amerikan, Bill Clinton, kishte marrëdhënie të mira me Hashim Thaçi në fund të viteve nëntëdhjetë të shekullit të kaluar, ndërsa pas bombardimeve të NATO-s ndaj forcave ushtarake dhe policore serbe, Clinton uron Thaçin për nënshkrimin e marrëveshjes për demilitarizimin dhe transformimin e UÇK-së, thuhet në një transkript të një bisede që ka publikuar biblioteka e ish presidentit të SHBA-ve.

Sipas ditores serbe Kurir, biblioteka presidenciale ka publikuar dokumentet e reja në lidhje me bombardimin e vitit 1999 vit, ndërsa në transkript të bisedës mes Thaçit Clintonit, më 25 qershor 1999, Clinton i thotë Thaçit se qëllimi i ndërmarrjes së përbashkët ishte i drejtë, transmeton Telegrafi.

“Jam i lumtur që kjo ka ndodhur në të njëjtën ditë kur forcat serbe kanë përfunduar tërheqjen nga Kosova”, tha Clinton, për çka Thaçi e falënderon, duke thënë se ky është edhe sukses i tij. Në këtë rasti ai ka premtuar respektimin e të drejtave të njeriut në Kosovë.