Poezi nga Demush Mehmeti
Ti truall ngopur me të miat varre me timen dhimbje
Oazë lotësh rrjedhë e virgjër
Kuptim buzëqeshjesh
Vatër djepash
Zingjir i pakëputur brezash
Tokë vargmalesh prej grimcash dheu
Shtres terin dhe e plleshme
Melodi kënge dhe vaji
Çerçive fati
O vend i etjeve shtrirë në hartë dashnie
Sakrificë dhe rilindje
Lagur me shi reshje skëterre
Lumë në vete
Bërthamë zjarri
Taban gur
Me emrin tim ngulitur flamur
Vend shtrat i jetës dhe i vdekjes
Muzë e ngrohtë vargu
Forcim vullneti
Agim i ri shpresë zgjimi
S’të dua kuvli për më të mirën ëndrrën time
