Cana bëhet mbret në “Facebook”

Romë – Lorik Cana “sex simbol”, lider në fushë, por karizmatik edhe jashtë saj.

Kapiteni i kombëtares kuqezi është sportisti më i votuar në “web”, duke qenë se në rrjetin social “Facebook”, te adresa e tij zyrtare, ka 83 400 fansa nga e gjithë bota, por që më së shumti janë shqiptarë, kosovarë dhe emigrantë që jetojnë jashtë kufinjve.

Megjithatë, edhe italianët nuk mungojnë, duke qenë se Cana luan te Lacio, skuadra e Serisë A. Ndërkaq, mesfushori kuqezi, është duke zhvilluar fazën përgatitore me bardheblutë, aty ku do të qëndrojë, ashtu si ka thënë vetë ai.

Flitej për një largim, duke qenë se mund të përfshihej në tratativat për Jilmazin e Trabznosporit, por kështu nuk ka qenë dhe këtë e ka mohuar vetë futbollisti disa ditë më parë. Mesfushori shqiptar ka 83 400 “like” në faqen e tij zyrtare në rrjetin social, “Facebook”