‘Bytyqi do të shkëlqejë në Holandë’

Vetëm një ditë pasi u zyrtarizua huazimi i Sinan Bytyqit në Cambur nga Manchester City, kanë ardhur lëvdatat e para për talentin kosovar.Sulmuesi i talentuar nga Prizreni, Sinan Bytyqi u huazua në kampionatin holandez tek ekipi Cambur për të fituar sa më shumë përvojë, dhe tani ai ka marrë disa lëvdata, transmeton Telegrafi.
Ish-lojtari i Cityt dhe Camburit, Albert Rusnak ka folur për mediat holandeze në lidhje me Bytyqin duke e ngritur atë në qiell.
“Unë dhe Bytyqi kemi luajtur së bashku në City. Ai është një djalosh fantastik, dhe një futbollist me të ardhme të madhe. Driblimet e tij dhe gjuajtjet në gol janë shumë të mira”, tha Rusnak.
“Unë e di se ai tani do të shkëlqej në Holandë dhe transferimi i tij do t’i bëjë shumë mirë Camburit. Më vije keq që nuk jam ende në atë skuadër për të luajtur përsëri me Bytyqin”, tha anëtari i Groningenit. /Telegrafi/