Busek : Ndarja do të zgjidhte gjithçka

Beograd – Ngecja e dialogut ka ndodhur sepse të dyja palët duhet të përgatitin opinionin e tyre për marrëveshjet të cilat do të arrihen në bruksel, thotë Erhard Busek, transmetojnë mediat serbe. Nuk mendojë se ky është dështim i dialogut.

Ai duhet të vazhdojë, sepse nuk ekziston tjetër modus për zgjidhjen e raporteve ndërmjet Beogradit dhe Prishtinës, ka thënë Busek, politikani austriak dhe ish koordinatori i Paktit të Stabilitetit për Evropën Juglindore, për gazetën serbe “Novosti”.

Busek mendon se inkuadrimi i “lojtarëve” të rinj në dialog, si Gjermania, Rusia dhe SHBA, nuk do të ndryshonin asgjë, sepse serbët dhe shqiptarët janë ata që duhet të gjejnë modus vivendin , i cili do të afronte dallimet dhe do të funksiononte në terren, në veri të Kosovës.

“Fatkeqësisht, është humbur shansi , që në tavolinë të gjendet ndarja e Kosovës, e cila sipas meje, është një nga zgjidhjet më të mira nga ky pat-pozicion”, ka shtuar Busek.