Bunjaku i dëshpëruar
RajoniPress
10:49, 17 Prill, 2013
Sulmuesi kosovar me pasaportë zvicerane, Albert Bunjaku, ka mbetur shumë i dëshpëruar me skuadrën e tij. Kaiserslautern nuk arriti të marrë më shumë se një barazim 1:1 në udhëtim tek Aue, edhe pse këta të fundit luajtën me dy lojtarë më pak.
“Unë jam i habitur dhe i dëshpëruar ashtu si gjithë skuadra, se si mundëm të pranojmë gol kur ishim me dy lojtarë më shumë në fushë. Ne kemi luajtur një ndeshje shumë të keqe dhe barazimi për ne është sikur humbje”, u shpreh sulmuesi.
Kaiserslautren pas këtij barazimi mbetet në pozitën e katërt në Bundesliga 2. (ORAinfo)
