Bunjaku e çon tek trofeu Gjermaninë U-18

Enis Bunjaku shkëlqen. Lojtari i Përfaqësueses së Kosovës, që së fundi iu bashkua Gjermanisë U-18, ka qenë vendimtar në finalen e Turneut të Turqisë. Ai realizoi gol në finale e fituar 3:2 ndaj Çekisë, në minutën 88. Mediat gjermane i kanë thur lavde Bunjakit, të cilin e kanë quajtur hero të Kombëtares.

17-vjeçari është pjesë e Përfaqësueses A të Kosovës, por që vendosi që në këto ndeshje të luajë me Gjermaninë, duke lënë hapur mundësinë e rikthimit te Përfaqësuesja e vendit të tij.

Ai është pjesë e skuadrës së të rinjve tek Eintracht Frankfurt. Kur ai ishte ftuar tek Kosova, përzgjedhësi Albert Bunjaku ishte kritikuar, pasi për shumë kë ai ishte i panjohur. Madje, ishte akuzuar se e ka ftuar për shkak të mbiemrit të njëjtë.