Bujanoc: Stafi i KKSH-së takon gazetarin Nefail Maliqin

Bujanoc – Kryetari Këshillit Kombëtar Shqiptar me bashkëpunëtorë kanë pritur në selinë e KKSH-se në Bujanoc gazetarin ndërkombëtar (Presheva jone) në Gjenevë Nefail Maliqin, kryetar i Asociacionit të Gazetarëve Shqiptar në Zvicër dhe Evrope / AJEE (“Association des Journalistes Albanais en Suisse et en Europe”)

Fillimisht kryetari Galip Beqiri bashke me stafin e KKSH-se kanë njoftuar gazetarin tonë në Gjenevë zotin Maliqi mbi gjendjen në Luginën e Preshevës dhe situatën aktuale politike, ekonomike sidomos atë të arsimimit dhe të informimit në Luginën e Preshevës.

Njëkohësisht u bisedua edhe mbi aktivitetet e KKSH-së dhe rolin e këtij organi përballë diskriminimit të shqiptareve etnik në Medvegjë, Bujanoc dhe Preshevë, sidomos rreth (de) bllokimit të dialogut Beograd – Preshevë si dhe rolin e Tiranës dhe Prishtinës përballë këtyre sfidave.

Ndërsa, Maliqi ka njoftuar se për këto zhvillime janë të njoftuar dhe shqetësuara edhe organizatat ndërkombëtare në Gjenevë “Situata në Kosove si dhe politika diskriminuese në Luginën e Preshevës është reflektuar edhe në Zvicër, sepse numri i azilkërkuesve në këtë vend nga Kosova ka rënë dukshëm , kurse ai nga Lugina e Preshevës është ngritur. Edhe Brukseli par pak ditësh ka ndërhyrë rreth situatës në Luginë, duke ftuar BE palët të rifillojnë bisedimet në favor të paqes dhe stabilitetit në rajon..” ka pohuar gazetari ynë Nefail Maliqi para stafit të KKSH-së në Bujanoc duke shtuar se Zvicra me një serë projektesh ka shprehur t` i kontribuojë proceseve dhe zhvillimit të rajonit si një mjedis më i varfër në Serbi./presheva jone/