Brezi kufitar po zbrazet, rinia nuk sheh perspektivë në Kosovë

Gjilan – Fshatrat kufitare Kokaj, Bilinicë, Stublinë, Muçibabë, Karaqevë janë prekur më së shumti nga ikja e të rinjve. Selver Lenjnani thotë se shteti i Kosovës duhet të zgjohet nga gjumi sa nuk është bërë vonë.

Brezi kufitar që dikur jetonte nga gjallëria e të rinjve dhe fuqia punëtore tashmë nuk është e njëjta, për shkak të largimit të të rinjve në drejtim të shteteve të Evropës.

Fshatrat që më së shumti janë prekur dhe po preken nga ikja masive janë Kokaj, Bilinica, Stublina, Muçibaba e Karaqeva.

Selver Lenjani mendon se shteti i Kosovës duhet të zgjohet nga gjumi sa nuk është bërë vonë.”Rinia dhe motori i Kosovës po na ik nga atdheu, ata nuk po shohin perspektivë në këtë vend me këta politikanë dembel” shprehet Lenjani.

Lenjani mendon se shteti i Kosovës duhet të investojë shumë në brezin kufitar, në mënyrë që ta ndaloj me çdo kusht largimin e rinisë.

Muhameti një djalë 34 vjeçar nga një fshat kufitar thotë se të gjitha shpresat i ka tek Gjermania.”Aplikoj çdo muaj në ambasadën gjermane dhe pres të kam fat. Asnjë punë tjetër nuk bëjë derisa të largohem nga Kosova sepse këtu fuqia punëtore nuk paguhet meritueshëm” shprehet ai.

Edhe, Milazimi një 44 vjeçar thotë se ka fëmijë dhe familje të cilët nuk mund t`i mbajë me pagën e Kosovës. “Fëmija kërkojnë kushte, kërkojnë jetë normale si të tjerët dhe unë me pagën e një punëtori fizik nuk po mundem asnjë dëshirë tua plotësojë fëmijëve dhe normalisht që pres ta braktisë Kosovën” u shpreh ai./rajonipress/

Shpërndaje.
© RAJONIPRESS