Botohet libri“Pleqtë e Medvegjës” i autorit Ramiz Kadriu

Poeti i njohur medvegjas, autor i disa përmbledhjeve me poezi dhe shkrimeve tjera, kësaj radhe na paraqitet me një publikim ndryshe, me titull “Pleqtë e Medvegjës”. Në këtë mënyrë, ai e ka përgatitur një album me fotografi të njerëzve që janë e nuk janë në këtë botë, por të cilët në mënyra të ndryshme kanë mbetur në mbamendjen tonë. Si kriter për këtë, autori ka përdorur trimërinë e tyre në epoka të ndryshme, mençurinë dhe mendjemprehtësinë, zellin për punë, urtinë etj.

Kështu, ai i ka bërë të pavdekshëm baballarët, gjyshërit e stërgjyshërit tanë, me çka ata do të skaliten thellë në kujtesën e pasardhësve, të nipave e të mbesave.

Libri ka një përgatitje të bukur teknike, ndërsa koloriti e shquan këtë album. Kësaj radhe, fotot flasin më shumë se fjalët. /J. Fetahu, Medvegja.net/