Botimi i katërt i “KOSOVËS”

Libri “Kosova” i historianit dhe shkrimtarit Jusuf Buxhovi vazhdon të jetë vepra më e shitur dhe më e kërkuar në Kosovën e pasluftës.

Për katër muaj u shit në mbi 12 mijë ekzemplarë, gjë që theu të gjitha rekordet në tregun e librit shqiptar.

Për të plotësuar kërkesat e mëdha që edhe në këto ditë të nxehta vere mbretërojnë për këtë libër, veçmas ato që vinë nga bashkatdhetarët, por edhe nga Maqedonia, Mali i Zi dhe nga Shqipëria, këto ditë del nga shtypi botimi i katër me rreth pesë mijë ekzemplarë.

Krahas këtij tirazhi, botuesit po përgatiten edhe për botimin e pestë dhe atë të gjashtë (në tetor dhe nëntor), një pjesë e të cilit do të dërgohet në SHBA, Turqi dhe disa vende perëndimore.

Krahas botimit në shqip, për në nëntor, në SHBA parashihet të dalë nga shtypi botimi në anglisht, që do të promovohet në Uashington më 28 nëntor, me rastin e 100 vjetorit të pavarësisë së Shqipërisë.