Fidanishtja

“Boroci Ndërtim” fitues i turnirit të ditës së çlirimit

/ 2 minuta lexim

Gjilan -Para qindra simpatizantëve kamenicas të futbollit, në fushën e Gjimnazit “ Ismajl Qemali” është zhvilluar finalja e turnirit në futboll të vogël për nderë të 18 qershorit-Ditës së Çlirimit të Kamenicës.

Ndeshjen e finales e përcolli edhe Kryetari i komunës së Kamenicës Shaip Surdulli me bashkëpunëtor

Në finale janë ndeshur dy ekipet më të mira : “ Gladiatori ” dhe “Boroci Ndërtim”. Këtë vit në turnirë ishin paraqitur 21 ekipe, ku shumica e ekipeve ishin nga komuna e Kamenicës, por pati edhe nga komuna tjera të Kosovës. Lojën e bukur dhe fer që e treguan ekipet, i bënë që shikuesit të jenë të kënaqur me finalen .

Pjesa e parë përfundoi me rezultat të barabartë ,1-1. Po ashtu edhe në pjesën e dytë të dy ekipet shënuan nga një gol, kështu që loja e rregullt përfundoi me rezultat baras 2-2. Epilogun e finales e vulosi pjesa e parë shtesë, kur ekipi ,”Boroci Ndërtim” kaloi në avantazh duke ndryshuar rezultatin 3-2, të cilin rezultat me sukses e mbrojti gjerë në fund.

KKGJILAN

Drejtoria e Kulturës për ekipet më të mira kishte përgatitur disa shpërblime .Vendi i parë i takoi “ Boroci Ndërtim” kupa dhe 1500 euro, mirënjohje dhe nga një medalje për secilin lojtarë. Ndërsa,vendi i dytë i takoi ” Gladiator-it” të cilët u shpërblyen me kupë, mirënjohje dhe nga një medalje , vendit të tretë i takoi ekipit “ Terminali” dhe mirënjohja.

Lojtari më i mirë i këtij turniri u shpall Mevludin Hyseni, nga ekipi i” Gladiator-it” , ndërsa portieri më i mirë u shpall Fitim Lakna nga ekipi ”Boroci Ndërtim” , mirënjohja i takoi ekipit “ Kalja” nga Kopernica, për lojën fer plej.

Mirënjohjet u shpërndan nga Kryetari i komunës Shaip Surdulli dhe drejtori i drejtorisë për Kulturë ,Rini dhe Sport Faton Krasniqi./rajonipress/