Bordet politike të Imet Rrahmanit
Ndonëse kishte edhe një vit mandat për të udhëhequr Bordin për Edukim të Vazhdueshëm Profesional (BEVP) në Ministri të Shëndetësisë, psikiatri Jusuf Ulaj është njoftuar nga stafi i ministrit Imet Rrahmani se më nuk do ta udhëheqë këtë Bord. E njëjta gjë, sipas Jusuf Ulajt, ka ndodhur edhe me shumicën e anëtarëve tjerë të këtij bordi.
Megjithëse thotë se nuk janë shfuqizuar fare vendimet paraprake, ministri Rrahmani, vetëm ka emëruar anëtarët e rinj të këtij Bordi.
Jusuf Ulaj, ish-drejtor i Qendrës Klinike Universitare të Kosovës thotë se prej Bordit të mëparshëm nëntanëtarësh, në këtë të riun ka mbetur vetëm një anëtar nga përbërja e kaluar. “Të gjithë të tjerët jemi larguar ndonëse kishim mandat edhe një vit, siç është e precizuar edhe me Udhëzimin Administrativ 01/2013”, thotë psikiatri Jusuf Ulaj./zeri/