Bondsteel pritet të mbyllet më 2014

Shtetet anëtare të NATO-s po e mendojnë seriozisht reduktimin e mëtutjeshëm të KFOR-it.

Burime të gazetës kanë thënë se në Këshillin Veriatlantik (institucionin më të lartë politik vendimmarrës në NATO) janë duke u bërë diskutime që gjatë vitit 2014 të reduktohet trupa paqeruajtëse e kësaj organizate në Kosovë deri në jo më shumë se 4 mijë trupa.

Të njëjtat burime kanë shpjeguar se varësisht nga zhvillimet në veri të Kosovës, pas Marrëveshjes së Brukselit do të vendoset edhe për fazat se si do të ndodhë reduktimi.

Por sipas tyre, qëllimi është që kampi, deri tash më i madhi i ushtrisë amerikanë në rajon, Bondsteel, të mbyllet (Tribuna).