Blloku s’e duron Kurtin

Deklarata e liderit të “Vetëvendosjes”, Albin Kurti, se në LDK, AAK dhe Nisma ka hajna të “Ligës së Dytë” ka ngritur gjakrat e përfaqësuesve të partive të Bllokut, të cilët Kurtin e kanë akuzuar si “hajn të pulave”.

I pari që i është kundërpërgjigjur Kurtit ka qenë nënkryetari i LDK-së, Lutfi Haziri, i cili ka thënë se Kurti si “hajn që është i njeh të gjithë hajnat e tjerë”.

Ndërsa i nominuari i Bllokut për kryeministër, Ramush Haradinaj, ka thënë se Kosova është futur në një superligë të tillë nga Hashim Thaçi, i cili, siç ka thënë ai, është kampion i korrupsionit dhe kriminalitetit në rajon./zeri/