Bllokohet sponsorimi i kundërligjshëm

Për disa zyrtarë të Postës dhe Telekomit të Kosovës pak ka rëndësi a shkelin ligjin a jo. Me rëndësi të mos kapen në vepër. Kështu duket se veprojnë sa herë t’u jepet mundësia për të përfituar mjete financiare nga kjo ndërmarrje. Një mision të tillë, ditë me parë e ka nisur edhe drejtor i zyrës së operativës në PTK, Elvis Pista. Sipas burime të gazetës, brenda kësaj ndërmarrjeje Pista ka dorëzuar një kërkesë për sponsorim në vlerë prej 6000 euro për klubin futbollistik “Rahoveci”, ku mban pozitën e kryetarit të klubit.

Kërkesa i është aprovuar nga komisioni treanëtarësh dhe ka mbetur që vetëm të bëhet bartja e mjeteve në llogari të klubit pasi të nënshkruhet nga kryeshefi ekzekutiv i PTK-së, Ejup Qerimi. Megjithatë, aprovimin e kësaj kërkese nuk e ka bërë kryeshefi Ejup Qerimi. Sipas burimeve, ai e ka stopuar atë kërkesë pasi ka kuptuar se miratimi i saj është konflikt interesi.

“Elvisi e ka dorëzuar në PTK një kërkesë të klubit futbollistik Rahoveci për financim në vlerë prej 6000 euro. Komisioni prej tre anëtareve e ka shqyrtuar dhe aprovuar ata pavarësisht se ky është konflikt interesi pasi Elvisi është i angazhuar edhe ne klub edhe ne PTK. Mirëpo, kur është kuptuar kjo çështje, atëherë është refuzuar nga kryeshefi ekzekutiv”, i ka thënë një burim gazetës. E, drejtor i zyrës së operativës në PTK , Elvis Pista pranon se është pjesë e PTK-së dhe pjesë e klubit “Rahoveci”, por hedh poshtë sponsorimin apo ndarjen e këtyre mjeteve…(Tribuna).