Bleta Gashi, “Miss Fotogjenia” në garën “Miss Zürich 2013”

Ajo ka zënë vend në mesin e tri vajzave më të bukura të Kantonit të Cyrihut.

Mbrëmjen e të shtunës në “Komplex 457” është mbajtur spektakli “Miss Zürich”, në të cilin është zgjedhur vajza më e bukur e Kantonit të Cyrihut. Kurora “Miss Zürich 2013”, pas një programi të pasur artistik dhe sfilatave rë shumta, ka shkuar në kokën e bukuroshes Marina Etlin.

Ajo ka marrë vlerësimin më të lartë nga juria dhe publiku dhe kështu për një vit do të bartë kurorën, që nënkupton edhe shumë aktivitete, parakalime, termine fotografimi dhe sigurisht, pjesëmarrjen në Miss Zvicra 2014. Etlin, që tash ka hyrë në mesin e 18 kandidateve për këtë titull.

Një kandidate tjetër të cilës i janë dhënë gjasa të mira në këtë garë ka qenë dhe shqiptarja Bleta Gashi. Ndonëse nuk ka marrë kurorën, ajo është zgjedhur “Miss Fotogjenia”, respektivisht ka zënë vendin e tretë në përzgjedhjen e misit të Kantonit të Cyrihut. Dhe ky nuk është sukses i vogël, kur dihet konkurrenca e fortë që mbretëron në qytetin dhe kantonin më të madh të Zvicrës./albinfo/