Blerim Maloku vazhdon realizimin e projekteve edhe me Tiranën

Gjilan – Këngëtari tashmë i njohur gjilanas Blerim Maloku sukseset e tij në skenën muzikore ka vazhduar t`i realizojë edhe në Tiranë. Projekti i tij më i ri lidhet pikërisht me Tiranën ku edhe ka përgatitur një këngë ritmike e cila pritet të lansohet në shkurt të 2017.

Këngëtari gjilanas Blerim Maloku i cili ka një kohë të gjatë që jeton në Zvicër tashmë është bërë i njohur dhe i dashur edhe në Shqipëri. Falë suksesit që ka treguar me këngën “Sa herë” ai tashmë po kërkohet edhe në trevat shqiptare derisa është bërë i popullarizuar edhe nëpër dasma e ahengje të ndryshme.

Tash së fundit Blerim Maloku ka nisur një bashkëpunim me producentët e Tiranës që lidhet me një projekt shumë serioz dhe ambicioz. “Kam nisur bashkëpunimin edhe me Tiranën sepse ata e kanë vlerësuar kapacitetin tim dhe këngët e mija. Jam pritur mirë në Tiranë ku edhe realizova një këngë ritmike e cila shpresoj se do të pëlqehet nga publiku shqiptarë” tha Maloku.

Maloku thotë se ka një bashkëpunim të mirë me të gjithë këngëtarët e njohur në diasporë dhe në Kosovë, Shqipëri e Maqedoni. “Mua më vije mirë që publiku i ka vlerësuar drejtë këngët e mija. Kjo është një pasuri e madhe dhe një motivim dhe përgjegjësi edhe më e madhe për ta avancuar karrierën time si muzikantë profesionist” thotë Maloku për rajonipress.

Ndryshe Blerim Maloku deri tani ka lansuar këngën më të re “Sa herë” me tekst e muzikë të Ilir Beranit, orkestrimi Ardian Kastrati kurse klipin Bug Producent. Maloku ndryshe ka pasur një sukses të madh me këngën “Lokali i dashurisë”./rajonipress/