Biqkaj: Shpenzimet e luksit, kolltuqet e pushtetit i bënë t`i harrojnë të varfrit, skamnorët, studentët, bizneset individuale

Kamenicë – Kjo qeverisje që erdhi në pushtet duke premtuar kursime të parasë publike, mbi 4000 euro vetëm për 3 muaj dreka zyrtare. Shpenzimet e luksit po rikthehen në Komunën tonē ka thënë Jeton Biqkaj kryetar i degës së LDK-së në Kamenicë.

Biqkaj thotë për rajonipress se Komuna e jonë e cila përditë po zbrazet me një buxhet të vogël është e patolerueshme të ketë shpenzime të tilla. “Kur nuk kemi barna esenciale, raste të shumta në varfëri ekstreme, bujq që kanë nevojë për mbështetjen e Komunës. Por kolltuqet e pushtetit i bënë t`i harrojnë të varfrit, skamnorët, studentët, bizneset individuale” tha Biqkaj./rajonipress/