Osama bin Ladeni e ka shpenzuar tërë pasurinë e tij personale në xhihad. Mishin dhe energjinë elektrike i ka konsideruar si luks dhe ka kursyer para për të ndihmuar sulmet terroriste.
Këto detaje bëhen të ditura nga kujtimet e publikuara në internet nga pasardhësi i tij, lideri i Al Qadeas, Ajman al-Zavahri.
“Sheiku i pasur Osama… i ka shpenzuar të gjitha paratë e tij në xhihad”, ka thënë Zavahri, i cili u vu në krye të Aal Qadeas, pas vrasjes së Bin Ladenit nga forcat amerikane në muajin maj të 2011-ës.
“Ai shpenzonte veçanërisht në financimin e sulmeve të 11 shtatorit në SHBA dhe në sulmet kundër ambasadave amerikane në Najrobi dhe Dar es Salam” në vitin 1998,” ka thënë Zavahri.
Pasuria e Bin Ladenit, i cili vinte nga një familje e pasur saudite, është vlerësuar mes 30 milionë dhe 300 milionë dollarësh, por disa thonë se ajo ka shkuar deri në një miliard dollarë. /Telegrafi/
