Bill Gates nominohet për Çmimin Konfuçi

Pekin – Themeluesi i kompanisë Microsoft dhe filantropisti Bill Gates, së bashku me ish-sekretarin e përgjithshëm të OKB-së, Kofi Annan janë në mesin e personave të nominuar në Kinë për Çmimin Konfuçi për Paqe, kanë thënë sot zyrtarët.

Çmimi Konfuçi, që thuhet se është i pavarur nga qeveria, ishte formuar si një alternativë ndaj Çmimit Nobel për Paqe.

Vitin e kaluar Çmimin Konfuçi për Paqe e mori Vlladimir Putin, aktualisht president i Rusisë, për rolin e tij në luftimin e separatizmit në Kaukazin Verior.

Në mesin e të nominuarve është edhe Pançen Lama i 11-të, që është lideri i dytë religjioz në budizmin tibetian, pas Dalai Lamës.

Por, një numër i madh i tibetianëve nuk e pranon Pançen Laman, pasi ai ishte emëruar nga Pekini.

Shpërndaje.
© RAJONIPRESS