“Bill Gates më fyeu rëndë! Me duart në xhep kur më takoi”

Vende të tjera, kultura dhe tradita të tjera. Kjo shprehje duket se vlen të përdoret, teksa opinioni publik amerikan është vënë në përpjekje të komentojë “incidentin” e ndodhur mes manjatit Bill Gates dhe presidentes së Koresë së Jugut. Në dukje një gjest i thjeshtë, ai ka shkaktuar një rritim mjaft të madh në këtë vend.

Kështu, kreu i Microsoft-it teksa i ka dhënë dorën lideres koreane, Park Geun-Hye, gjatë një takimi, dorën tjetër e ka mbajtur në xhep. Duke bërë që kjo të ndihet mjaft e fyer dhe akuzuar madje njeriun e pasur me famë botërore për injorim.

Kujtojmë se në kulturën e vendit të saj, dhe pothuajse të gjithë Azisë, të mbash një dorë në xhep teksa takon dikë, konsiderohet si një gjest tejet fyes.

Për një arsye të tillë, 57-vjeçari Bill Gates, është vënë në qendër të polemikave në Korenë e Jugut.

Disa media sugjerojnë madje se gjesti i Gates ishte i qëllimshëm, duke treguar politikën e tij mbi një mungesë respekti për partinë qeverisëse të Koresë.

“Dallim kulturor apo sjellje e keqe?!”, “Shtrëngim duarsh apo vrazhdësi?!”, etj, kanë qenë disa nga titujt kryesorë të gazetave koreane, të cilat kanë zënë faqet e para të shtypit në këtë vend. Mesa duket, shumë të fyer nga gjesti i Bill Gates.(noa)