Bill Gates: Kam mjaft për ushqim dhe veshmbathje, të tjerat më të varfërve

Multimiliarderi Bill Gates (57), sipas vlerësimeve “peshon” diku rreth 65 miliardë dollarë, kurse tashmë veç i ka investuar rreth 28 miliardë në fondacionin e tij humanitar.

Ndërkohë, Gates në një bisedë për “Telegrafin” britanik ka theksuar se planifikon që deri në fund të jetës së tij për qëllime humanitare do të investojë 95 për qind nga pasuria e tij e përgjithshme dhe se pos futjes së kompjuterëve personal në përdorimin e përditshëm, si dhuratë të përhershme njerëzimit do të lë edhe zhdukjen e tërësishme të paralizës së fëmijëve, sëmundjes së rëndë e cila ka gjymtuar shumë jetë të rinjsh.“Padyshim jam përkujdesur mirë kur është fjala te ushqimi dhe veshmbathja, dhe mbi këtë pikë të caktuar nga paraja nuk kam ndonjë dobi. Dobia e parasë qëndron ekskluzivisht në ndërtimin e organizatës e cila do të bënte të mundshme që këto para të mbërrijnë deri te më të varfrit në planet”, tha Gates.