Gjilan – BIK-u në Gjilan që udhëhiqej nga Naim Aliu gjatë qëndrimit një javor në Turqi ka zhvilluar takime të shumta e vëllazërore me kryetar komunash, me shqiptarët e Bursës, me personalitete nga fusha e kulturës, arsimit. Delegacioni i BIK-ut është takuar edhe me kryetarin e Bursës, Rexhep Altepe që është me prejardhje shqiptare.
Kryetari i BIK-ut në Gjilan, Naim Aliu tha se është ndarë i kënaqur nga vizita në Turqi për faktin se janë takuar me njerëz të shumtë me ndikim në Turqi.
Aliu tha se gjatë takimeve të shumta është folur edhe për mundësinë e binjakëzimit mes komunave të Turqisë dhe atyre në Kosovë. “Isha i kënaqur sepse takuam kryetarin e Bursës që është shqiptar, Rexhep Altepe. Folëm vëllazërisht me të dhe jemi takuar edhe me shumë shqiptarë të Bursës të cilët fatmirësisht me mjaft fanatizëm i ruajnë dhe i kultivojnë akoma traditat shqiptare” tha Aliu.
Aliu tha se janë takuar edhe me Osman Shen, myftiu i Jellderimit, kryetari i shoqatës Osman Nuri Togbash, si dhe takim me shqiptarët e Bursës./rajonipress/
