Biblioteka e reflekton identitetin e Gjilanit

Gjilan – Biblioteka e qytetit është shenja më e madhe kulturore për Gjilanin ka thënë Salih Bashota.

“Biblioteka e qytetit është njëri nga objektet që reflekton në identitetin e Gjilanit dhe kjo ka qenë arsyeja kryesore që i është dhënë prioritet ndërtimit të saj”.Kështu tha Qemajl Mustafa gjatë inaugurimit të fillimit të punimeve,të Bibliotekës së qytetit së bashku me Samuel Zbogar dhe Salih Bashotën.

Mustafa tha se biblioteka e qytetit është projekt kapital për Gjilanin dhe në të ardhmen do të jetë pjesë e madhe dhe e rëndësishme edhe e identitetit të Bashkimit Evropian. Mustafa është shprehur se kjo bibliotekë do të jetë edhe universitare për shkak se Gjilani tashmë po bëhet gati për hapjen e Universitetit dhe do të shfrytëzohet edhe nga studentët e Kosovës Lindore dhe të Kumanovës.

Kurse, Salih Bashota drejtor i bibliotekës kombëtare në Prishtinë tha se sot janë të lumtura të gjitha bibliotekat e Kosovës.”Biblioteka është shenja më e madhe kulturore për Gjilanin dhe ne do ta përkrahim e ndihmojmë në të gjitha aspektet”tha Bashota.

Përfaqësuesi i Bashkimit Evropian, Samuel Zbogar i cili edhe është donator i ndërtimit të Bibliotekës në vlerë të mbi 2 milion eurove ka thënë se Kosova ka një thesar të madh e që shumë shtete evropiane nuk e kanë .”Ju e keni rininë e shëndoshë dhe mbetet sfidë dhe detyrë që kjo energji e të rinjve të orientohet drejt” tha ai. Biblioteka është vendi ku të rinjtë e gjejnë të ardhmen e tyre dhe realisht ky projekt është më i miri që ka zgjedhur Bashkimi Evropian.

Drejtori i Bibliotekës, Shefki Osmani tha se për Gjilanin kjo është dita më e rëndësishme.”Ne me të drejtë po e quajmë bukuroshe e qytetit sepse ky objekt do të jetë njëri nga bibliotekat më moderne në Kosovë” shtoj Osmani./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).