Besar Halimi pranë largimit nga Brondby, mësohet skuadra e re e mesfushorit të Kosovës

Besar Halimi pritet që të bëhet së shpejti me skuadër të re.

Futbollisti i Kosovës nuk bën pjesë në planet e trajnerit të Brondbyt Niels Frederiksen në Danimarkë, ndërkaq atij tashmë i është treguar ‘dera e largimit, shkruan Zëri.info.

Mediat daneze raportojnë se menaxheri i mesfushorit kosovar është në bisedime me disa klube gjermane dhe se një transferim mund të finalizohet shumë shpejt.

Destinacioni më i mundshëm i Halimit është klubi gjerman Hansa Rostock, i cili garon në Bundesliga 3.

Për shkak të formës së mirë të treguar në ndeshjet e fundit, Halimi gjithashtu pritet të ftohet nga trajneri i Kosovës Bernard Challandes në ndeshjet e muajit shtator./Zëri.info