Besar Halimi nënshkruan me klubin nga kategoria e tretë në Gjermani

Besar Halimi është rikthyer sërish në futbollin gjerman.

Mesfushori kosovar ka nënshkruar me Hallescher, që bën gara në kategorinë e tretë në Gjermani, shkruan Gazeta Express.

“Besar Halimi do të na ndihmojë dhe do të na bëjë më stabil me përvojën dhe kreativitetin e tij. Me 28 vjet ai është në moshën më të mirë për futboll dhe përfundimisht dëshiron të dëshmohet sërish në Gjermani. Jemi të lumtur që kemi angazhuar një lojtar të statusit të tij”, u shpreh drejtori sportiv i këtij klubi, Thomas Sobotzik.

Halimi së fundmi ishte pjesë e skuadrës Apollon Smyrnis, në kategorinë dytë të futbollit grek.

Ai është aktivizuar edhe te Riga në Letoni, si dhe te Brondby në Danimarkë.

28-vjeçari pjesën më të madhe të karrierës e ka kaluar në Gjermani, duke luajtur për skuadrat si Sandhause, Mainz, Frankfurt – teksa ka qenë pjesë e të rinjve te Stuttgartit, Nurembergut e Nurnbergut.

Besar Halimi numëron 32 paraqitje me Kombëtaren e Kosovës. /Gazeta Express/