Berisha rikthehet pas katër muajsh

Dikur shkëlqeu me skuadrën e tij, por një lëndim në gjurin e këmbës së djathtë e la atë jashtë fushave të gjelbra për disa muaj. Mbrojtësi kosovar i cili u transferua në kampionatin suedez nga Prishtina tek Orebro, Ilir Berisha ka filluar të marrë vetën pas operacionit në gju dhe tani ka filluar të stërvitet në qytetin suedez.

E veçantë në këtë rikthim është se 22-vjeçari e ka refuzuar pushimin e skuadrës vetëm e vetëm të përgatitet sa më mirë, që ta ndihmojë skuadrën. Pas përfundimit të garave në Suedi, Orebro i ka dhënë pushim një muaj të gjithë lojtarëve, mirëpo mbrojtësi shqiptarë e ka refuzuar atë duke kërkuar nga klubi i tij që ta lejojë të stërvitet me trajnerin e atletikës.

Në një prononcim për gazetën Arena, lojtari ka folur rreth rikuperimit nga lëndimi si dhe për refuzimin që i bëri pushimit nga klubi…(Tribuna – Arena).