Berisha pret pasaportën suedeze për Lazion

E ardhmja e Etrit Berishës, do të vendoset menjëherë pas miqësores Shqipëri – Armeni, ku 25-vjecari pritet të luajë titullar në formacionin e De Biazi. Mediat Suedeze duke iu referuar një pronocimi të portierit të Kalmarit, sigurojnë se brenda pak ditësh do të mësohet destinacioni i tij i ri, që me shumë mundësi do të jetë në Serinë A.

E ndërsa Kievo pretendon se parakontrata e nënshkruar muaj më parë me Berishën është e rregullt, mediat pranë Lacios sigurojnë që zyrtarizimi i transferimit të futbollistit në Romë është cështje kohë.

Etrit Berisha pritet të marrë pas disa ditësh pasaportën e Suedisë, që do t’i lejonte aktivizimin si komunitar me të gjitha skuadrat europiane.

Këtë zhvillim pret edhe Lacio, për t’u hedhur në sulmin final për Berishën, i cili ka edhe 6 muaj kontratë me Kalmarin.

Titullari i kombëtares kuqezi është shprehur vazhdimisht që dëshira e tij është që edhe Kalmari të përfitojë dicka nga transferimi i tij në Serinë A, por nëse Lacio vendos të mos shpenzojë për kartonin e tij, atëherë 25-vjecari do të luajë deri në dhjetor në kampionatin suedez.