Berisha, një gol e një asistim në fitoren e thellë të Salzburgut

Mesfushori ofensiv kosovar, Valon Berisha, ka shënuar një gol dhe ka asistuar një herë në fitoren 6:0 që skuadra e tij Red Bull Salzburg e shënoi në udhëtim ndaj Wiener Neustadtit të dielën në kuadër të xhiros së 33-të të Bundesligës së Austrisë.

Berisha realizoi golin e katërt të ndeshjes në minutën e 66-të, ndërsa asistoi golin e tretë të realizuar nga Kevin Krampl (63′).

Ai luajti tërë ndeshjen. Salzburgu pas 33 xhirove ka 70 pikë dhe zë pozitën e dytë, me gjashtë pikë më pak se liderja Austria nga Vjena.

Berisha 20-vjeçar këtë stinor në 27 ndeshje në elitën e futbollit austriak, ka shënuar gjashtë gola dhe ka asistuar 12 herë.