Berisha në çerekfinale të Botërorit U19
RajoniPress
09:21, 1 Nëntor, 2013
Sulmuesi kosovar Valmir Berisha të premten me përfaqësuesen U-19 të Suedisë do të luajë në çerekfinale të kampionatit botëror që po mbahet në Emiratet e Bashkuara Arabe kundër Hondurasit.
Por, Berisha 17-vjeçar nuk do të merrte pjesë fare në këtë kampionat sikur një vit më herët t’i bashkohej Shqipërisë. “Kam qenë duke iu bashkuar kombëtares së Shqipërisë një vit më parë, para se t’i bashkohesha Suedisë. Por, u lëndova dhe kur u ktheva nga lëndimi u paraqita mirë dhe më pas u përfshiva në përfaqësuesen suedeze dhe refuzova Shqipërinë”, ka thënë Berisha të enjten për “hd.se”.
Berisha luan për skuadrën U-19 të ekipit suedez, Halmstads. Për këtë grupmoshë ai ka regjistruar katër gola e dy asistime në nëntë paraqitje. Pesë gola në tetë paraqitje i ka shënuar edhe për ekipin U-17 të Suedisë./koha/
