Berisha ka oferta nga ligat më të forta në botë

Talenti kosovar, Valmir Berisha është bërë objektiv i shumë skuadrave europiane pas paraqitjeve të shkëlqyeshme në Kampionatin botëror U-17 me përfaqësuesen e Suedisë.

Sipas mediave britanike Tottenham dhe Liverpool kanë shprehur interesim që ta transferojnë sulmuesin e ekipit suedez Halmstads. Por, menaxheri i 17 vjeçarit, Anders Karlsson ka konfirmuar se për klientin e tij ka oferta edhe nga liga tjera europiane.

“Nuk ka emra, por unë mund të them se ka ekipe nga Anglia, Gjermania, Holanda, Spanja, Portugalia dhe Italia që kanë shfaqur interes për Valmirin”, ka thënë Karlsson për mediat suedeze.

Karlsson ka thënë se Berisha ia kujton dy yjet e futbollit: Robin van Persien dhe Zlatan Ibrahimoviçin.

Berisha është shpallur golashënuesi më i mirë i Botërorit U-17 me shtatë gola të realizuara, derisa Suedisë ia ka siguruar vendin e tretë në këtë evenimente me het-trickun e realizuar ndaj Argjentinës.