Berisha, grumbullohet kundër ‘hasmit’

Etrit Berisha ka marrë ftesën e parë zyrtare, për të qenë pjesë e Lazios në një takim të kampionatit italian, Serie A.

Ai do të jetë në mesin e ‘bardhekaltërve’ në sfidën që zhvillohet të dielën në ‘Olimpico’, kundër Chievos. Kështu, Berisha në ftesën e parë të tij ka përballë klubin që nuk e ka lënë rehat kohëve të fundit, Chievon.

Veronezët, ende nuk kanë hequr dorë nga Berisha dhe po bëjnë çmos që ta marrin për vete, falë kontratës që e kanë nënshkruar me Etritin, e që pretendojnë se është valide.

Të kujtojmë që ‘zhurma’ e Chievos për Berishën, ka shkuar deri në zyrat e UEFA-s dhe FIFA-s. Ndryshe, ndeshja ndërmjet Lazios dhe Chievos zhvillohet të dielën, me fillim prej 15:00.