Berisha, eksploziv kundër United

Sulmuesi kosovar, Besart Berisha, nuk do të kursejë emocionet e tij në ndeshjen që këtë javë skuadra e Yjeve të futbollit australian do ta zhvillojë kundër Manchester United.

“Në çdo ndeshje, unë luaj me pasion të madh. Ky jam unë dhe unë gjithmonë do ta dua këtë gjë në futboll. Unë e dua këtë lloj të lojës dhe do të mundohem ta bëj edhe kundër Manchester United”, ka deklaruar Berisha për mediat australiane. Berisha në ndeshjen kundër ‘Djajve të Kuq’ do ta ketë përballë bashkëvendësin e tij, Adnan Januzaj, i cili shkëlqeu në ndeshjen e tij debutues me United ditë më parë.