Berisha: Dick Marty më i keq se Milosevic

/ 2 minuta lexim

Tiranë – Kryeministri i Shqipërisë, Sali Berisha, ka sulmuar ashpër raportuesi i Këshillit të Europës, Dick Marty, duke thënë se është më i keq se Slobodan Milosevic.

Këto komente, Berisha i ka bërë gjatë mbledhjes së qeverisë shqiptare, e cila ka miratuar një ligj që i hap rrugë Bashkimit Europian të hetojë për akuzat e ngritura nga Marty, për trafik organesh gjatë Luftës së Kosovës.

“Sot miratojmë ligj special të veçantë të bashkëpunimit me prokurorin e ngarkuar nga Bashkimi Europian për hetimin e raportit të Dick Martyt,” tha Berisha.

RCCOLA

“Pretendohet se paska ekzistuar në Fushë-Krujë një spital. Në Fushë-Krujë ndoshta i kanë vrarë sytë pamjet me Georde Bushin atij. Pretendon se ka qenë në një spital që hiqte organet dhe i çonte në botë. Ka zgjedhë Fushë-Krujën dhe jo Krujën apo Kavajën për qëllimet e tij, por hetimi do të nxjerrë të vërtetën, sepse të akuzosh për një hetim të tillë që s’e ka bërë Sllobodan Millosheviçi.

Ky kasap që kishte për qëllim vrasjen e shqiptarëve nuk ka deklaruar vetë në mijëra faqe që shqiptarët kanë bërë trafik organesh,” tha Berisha./infosot/