Berisha dëshiron të bëhet si Iniesta

Salzburg – Mesfushori kosovar Valon Berisha shpreson që një ditë të luajë si ylli i Barcelonës, Andres Iniesta. Berisha 20-vjeçar është pjesë e skuadrës austriake Salzburg dhe përfaqësueses së Norvegjisë. Ai për Salzburgun në stinorin vjeshtor kishte pesë gola e tetë asistime.

“Kur mendoj për asistime atëherë më vjen në mendje Andres Iniesta, që asiston shumë gola për Messin. Ai ka gjithmonë balancimin në lojë, lëviz si një valltar. Unë shikoj edhe video të tij në ‘YouTube’ dhe shpresoj që një ditë të luaj si ai. Natyrisht që është e vështirë, por duhet të punojë fort dhe të zhvillohem më tutje”, ka thënë Berisha.