Berat bombarduesi

Sulmuesi shqiptar Berat Sadik, është duke shkëlqyer në kampionatin zviceran me skuadrën e tij Thun. 28-vjeçari është lider i golashënuesve në Zvicër, dhe kjo ka bërë që për të të interesohen edhe skuadra shumë të mëdha nga kampionatet e ndryshme evropiane.

Shkupjani me pasaportë finlandeze ka folur për gazetën Arena, ku tregon për formën momentale, golat e shënuar, synimet me skuadrën e tij si dhe për të ardhmen e tij.

“Detyra ime është që të shënoj gola në çdo ndeshje pasi për këtë paguhem. Unë gjithmonë futem në ndeshje për të shënuar gola, dhe ndihem mirë që jam në një formë të lartë këtë edicion”, u shpreh fillimisht Sadik për Arenën, duke shtuar se golat e shënuar janë duke e bërë atë të lumtur.

E kur e sheh vetën në pozitën e parë të golashënuesve natyrisht që ndjehet mirë për të arriturat e tij me Thunin…(Arena)