Beqiraj u rikthehet golave
Sulmuesi kosovar, Fatos Beqiraj, ka shënuar një gol në fitoren e Dinamo Zagrebit ndaj Zarës me rezultat të thellë 5:0.
Beqiraj shënoi në minutën e 87-të golin e tretë të Dinamos, derisa në lojë u inkuadrua në minutën e 83-të. Për Beqirajn 24-vjeçar ky ishte goli i parë i shënuar pas më shumë se katër muajsh.
Golin e fundit e kishte shënuar më 17 nëntor të vitit të kaluar. Për Beqirajn ky ishte goli i tretë këtë edicion në elitën e futbollit të Kroacisë, derisa ka dhënë edhe katër asistime.
Ndërkohë gol ka shënuar edhe mesfushori shqiptar, Arijan Ademi. Ai shënoi në minutën e 90-të për 5:0. Ademi luajti 90 minuta në ndeshjen e luajtur të shtunën në kuadër të javës së 25-të të kampionatit kroat. Dinamo me këtë fitore forcohet në pozitën e parë me 55 pikë.